係咩?就係無考到車牌。
喺澳洲,有車就可以周圍去。而且,要喺哩邊買一架車代步唔駛好貴。有啲地方唔係話你搭車去唔到,而係開車只係半個鐘嘅車程,搭車可能要用上個幾鐘。就算你想去遠少少買野,來回已經個幾鐘。
除咗買野唔方便之外,因為無車,工作地點亦都受到限制。我知其實我地好好彩,我地一到埗就受住各方朋友嘅照顧,已經安排好一月中我地有機會可以入到一間薪水唔錯嘅工廠度做。但係喺等待嘅期間,無收入已經唔係最大問題,最大問題係日日都鬱喺屋企,頭頂都愈黎愈多菇種咗出黎。我地一開始都滿心歡喜覺得:「呀,都好丫,可以玩下先😆。」但係,講真,無車可以去得邊度玩丫...🙄
無車,邊度都去唔到⋯想去遠少少玩都去唔到⋯
無車,邊度都去唔到⋯想去遠少少玩都去唔到⋯
無車,邊度都去唔到⋯想去遠少少玩都去唔到⋯
宜家正值係水果收成嘅夏季,如果我有車,我一定會自己揸車去農場度做。"Better than nothing"起碼有野做有收入,起碼叫試過下我黎到想試嘅野。就係因為無做好哩樣事前嘅準備功夫,我好後悔。宜家只係可以痴下人地車坐,搞到我地好似變返細路女咁,只要有得出去行下已經好滿足。
不過由我地話要落實哩個planning到真係出發都只係半年嘅事,其實考車牌同要拎埋國際車牌係點都唔會趕得切,只能慨嘆我地準備做得唔夠。
所以,如果你係真係有計劃黎澳洲working holiday,我強烈建議你最好拎咗國際車牌先黎。
真係架!我無呃你,除非你想好似我地咁⋯🌚🌝
沒有留言:
張貼留言