前篇..新加坡Part 1:與印度咖哩結下不解之緣

登上飛機離開香港以後,帶著的只有不捨、緊張、擔心、興奮嘅複雜心情。

我地兩個女仔膽粗粗咁就走出咗慣常安穩嘅生活,開始我地嘅旅程。

第一站先黎到新加坡。行程無乜點plan過,都係前一晚先決定第二日嘅行程。
我地當日下午6點幾機到達新加坡。決定返去酒店抖返晚叉足電第二日先再去玩。我地選擇咗哩幾日安頓喺黑皮膚族群嘅聚腳地—小印度(Little India)。不過住落就會發現,哩個係一個唔太正確嘅決定(除非你係一個好鍾意食curry嘅人)。因為哩度名副其實住嘅都係印度人,附近只有印度人開嘅餐廳(主要都係食印度咖哩同薄餅)。一餐半餐無所謂,餐餐淨係食咖哩真係唔得掂😂。

小印度(Little India)

第一晚到埗好辛苦咁幫完行李上3樓嘅酒店(酒店無𨋢,重要留意返之前提及過我地兩件行李都有返咁上下重量🙄,建議大家book酒店記得留意有無𨋢),搞完一大輪已經係夜晚差唔多10點,只可以喺附近食我地揀咗樓下嘅一間餐廳解決咗就算。唔係唔好食,但唔啱香港人口味,愈食愈辣,辣到好似隻隻咖哩都係一樣味,辣到我地傻咗😵。不過算係一次幾特別嘅體驗,品嚐到正宗嘅印度咖哩。黎到新加坡,對比起本地人,我地真正體會到香港人節奏係幾咁急促。我地個肚已經餓到扁咗,重要等咗成4個字先有野食😂。

啲飯睇落好似好多,但因為太辣,食下食下就食晒。
好彩我地兩個都食得辣,如果唔係真係成碟都唔駛食。😅

經過哩一次,有人過咗好一段時間都對印度咖哩表現恐懼,每次見到咖哩都話唔要食😂。