我是幸運的

我成日都話我好幸運,塭到有個志同道合又有勇氣嘅朋友一齊去實行哩件事。
話有興趣嘅朋友為數唔少,但又有幾多個係有咁嘅勇氣放低晒香港嘅一切去尋求一啲未知嘅野？的確,我地係任性,但趁重有青春,宜家唔任性等幾時？等到老了,莫講話無心,就算有心都無力,有家庭有負擔就更加失去咗份勇氣。難得有人有同一想法,係機會出去走一轉。

另一樣幸運嘅係,我得到身邊嘅人嘅支持,要佢地支持唔係咁容易。最最最難得係有一個肯等我嘅男朋友,兩個人決定要分開一年唔係易事,我唔知我地之後係咪會如願,但起碼佢係由我感受出發,為咗唔想我之後會後悔,寜願自己難受。我知我係自私我係任性,但就由我任性埋哩一次。佢嘅支持係我決定去working holiday嘅最大契機,無佢嘅首肯我未必會付諸實行,多謝你❤️。


繼而就係爸爸媽媽嘅准許,其實我掙扎咗好耐先問佢地。因為驚佢地唔鍾意,但最後出乎預期佢地好支持我,覺得我係應該出去見識吓哩個世界。不過一路去之前佢地都好擔心好唔放心,我係知道的,又怕我凍,又怕我塭唔到工,我驚但我想試一次。

身邊嘅每一個人都提住我,最緊要知道有後路,有咩冬瓜豆腐大不了咪返香港囉,係咪?

臨行前最愛嘅人都在♥